Sælir landsmenn nær og fjær.

Nú erum við á leiðinni á Hornafjörð enn eina ferðina og er áætlað að vera þar á laugardagsmorguninn. Við byrjuðum veiðar kl 10:00 í gærmorgun og fyrsta kast skilaði umþb 150 tonnum og einnig var nótin rifin. Þá reyndi á hvort menn væru til þess búnir að gera við nót ef þannig bæri undir og reyndist svo vera og menn saumuðu eins og enginn væri morgundagurinn og eftir skamman tíma vorum við kastklárir aftur. Kast nr.2 var tekið en ekki endilega til að fiska heldur að athuga hvort veiðarfærið væri ekki í lagi og reyndist svo vera. Kast nr.3 var tekið og þá ákveðið að klára dæmið enda fullvissir um að allt væri í toppmálum og skilaði kastið því sem við þurftum.

Það slæðist ýmislegt upp af hafsbotni og rignir yfir kallana í kassanum eins og td. skel, krossfisk, kuðungum, krabba, ígulkergjum og lengi mætti telja. Villi H. fékk 3 skötuseli í gær sem hann verkaði og pakkaði inn í frost og mátti sjá meistara takta við pökkunina enda á ferð hundvanur frystitogaranagli.

Þetta grjót kom óboðið aftur í nótakassa við lítinn fögnuð en er nú farið til síns heima aftur.

Segjum þetta gott að sinni.

MBK. Strákarnir á Bláa bauknum.

Athugasemdir

[Siðanefnd Birtings (IP-tala skráð) 17.11.2008 kl. 17:31]

Heyrst hefur að ekki hafi verið unnt að blogga undanfarna daga þar sem að bloggstjóri skaðaðist svo illa á endaþarmi á rjúpnaveiðum að það trekti í gegnum hann svo að hann meira að segja varð kjaftstopp í eitt andartaks augnablik. Við óskum honum velfarnaðar.