Mættir aftur eftir viðgerð.

Sælt veri fólkið.

Nú erum við komnir aftur eftir að hafa brugðið okkur í kvínna á Akureyri í örstutta viðgerð. Það var vesen á stýrinu en það er úr sögunni, þeas vesenið.

Við tókum eitt kast sem við gáfum Margrétinni en það var meldað um 200 tonn. Það vantar einhverja slettu í Mögguna ennþá en Súlan mun sjá um að redda því þannig að við erum komnir í frí í dag. Nú erum við á rúntinum að skoða okkur um og virða fyrir okkur lóðningar, eyjar, sker, fuglalíf, seli og margt fleira.

Villi Harðar settist við tölvuna og lét hugann reika um hvernig skipið liti út fáeinum metrum lengra og á meðfylgjandi mynd á sjá árangurinn af vinnu Vilhelms við skjáinn.

 Gaman væri að fá viðbrögð og frekari tillögur frá lesendum bloggsins.

Að þessu sögðu set ég inn nokkrar myndir af því sem við vorum að brasa í dag.

 Verið að ræða málin.

Stutt uppí fjöru.

Maggi að þrífa dekkið.

Faxi að brasa.

Með þessu kveðjum við í bili og vonumst eftir frekari tillögum við lengingu og breytingum þess bláa.

MBK. Strákarnir á Bláa bauknum.

 

 

 

 

 

Athugasemdir

[RænuleysIngi Steinn (IP-tala skráð) 12.11.2008 kl. 18:36]

Gangi ykkur vel..

[Valur Hafsteinsson, 14.11.2008 kl. 05:56]

Velkomnir á flot.

Held að ég verði að viðurkenna að sá blái lítur betur út á ykkar lengingu en sú lenging sem var gerð á systurskipinu ...  En það er spurning hvernig sjóskip þetta yrði eftir hana

[Óskasynir Síldarvinnslunnar, 14.11.2008 kl. 10:58]

Já Valur, það skip verður aldrei til verðlauna fyrir fegurð en er feykigott sjóskip.

[gústi (IP-tala skráð) 14.11.2008 kl. 20:58]

mæli með lengingu kemur vel út.