Síldarflensan mikla.

Sælt veri fólkið og takk fyrir síðast.

Við komum til Hornafjarðar með dallinn augafullan af síld og fórum beint undir löndun.

Ekki var miklu landað til frystingar en síldin er lasin svo að ekki má frysta hanna og fórum við með megnið af okkar afla til bræðslu. Það er komin upp einhver sýking í síldinni á Breiðafirði þannig að við leitum á nýjar slóðir þennan túrinn.

Menn héldu til rjúpna og voru það Hjörvar, Villi H, Óli Gunnar og Vilmundur. Þessi hópur kom heim með öngulinn í rassgatinu og hafði Villi Harðar vinninginn með eina rjúpu.

Á föstudagskvöldið var slegið til veislu um borð og dró Sæmi fram lambafille sem hann hanteraði að sinni alkunnu snilld og var nýja grillið vígt. Stefán vélstjóri var fenginn til liðs við Sæma og grilluðu þeir félagar. Það viðrar alltaf til grillveislu um borð en grillið er staðsett á millidekkinu undir útsogi sem var notað á rækjunni þegar hún var soðin um borð, á þeim tíma sem Áskell var vinnsluskip.

 Hér standa þeir félagar Sæmi og Stefán vaktina við grillið.

 Þarna sitja menn og njóta þess sem blessuð sauðkindin hefur upp á að bjóða.

 Hjörvar situr og raðar í sig steikinni.

Við lögðum svo úr höfn um 8 á laugardagsmorguninn en þegar var verið að gera ferðaklárt vildi svo djöfullega til að Óli Gunnar klemmdi sig á vísifingri vinstri handar og þurfti í land. Við sendum Óla bestu kveðjur með von um skjótan bata.

Meira síðar. Strákarnir á Birting.

Athugasemdir

[RænuleysIngi Steinn (IP-tala skráð) 3.12.2008 kl. 02:46]

Eruð þið nokkuð dauðir? á ekkkert að fara koma með fréttir?

[Vargurinn (IP-tala skráð) 5.12.2008 kl. 04:47]

Það á ekki að setja fisk til manneldis um borð í þennan grútardall.